Американската компанија „Блу ориџин“, во сопственост на Џеф Безос, вчера успешно ја лансираше ракетата „Њу Глен“ од вселенската станица Кејп Канаверал, а целта на мисијата е да се испратат два сателити на НАСА кон Марс.
Меѓу првичните цели беше и успешното искористување на првиот етапен засилувач на ракетен погон, наречен „Никогаш не кажувај ми ги шансите“, кој слета на платформата „Џеклин“ што се во Атланскот Океан.
– Ова е само почеток, додека брзо го зголемуваме темпото на летот и продолжуваме да испорачуваме за нашите клиенти – рече извршниот директор на „Блу Ориџин“, Дејв Лимп.
Мисијата првично требаше да биде лансирана во октомври 2024 година, но беше одложена бидејќи ракетата „Њу Глен“ не беше подготвена за лет.
Сателитите кои ќе се упатат кон Марс, познати како „Синиот“ и „Златниот“ беа изградени во САД – во „Рокет лаб“ со седиште во Калифорнија, со инструменти обезбедени од Универзитетот „Беркли“.
Ракетата „Њу Глен“ е именувана во чест на првиот Американец што ја обиколил Земјата – Џон Глен. Таа е дизајнирана како делумно повеќекратна ракета, каква што е ракетата „Фалкон 9“ на „Спејс Икс“ на Илон Маск.
На својот прв лет во јануари, „Њу Глен“ влезе во орбитата, но „Блу ориџин“ не издејствува успешно да ја приземји.
Извор: kurir.mk
