„Жена“ на Антонија Гиговска прогласена за најслушана песна на „Макфест“

October 24, 2025
1 min read

Шест млади надежи влегоа во вечерта на звездите на 40-тото издание на фестивалот „Макфест“, кој започна вчера вечерта во Домот на културата „Ацо Шопов“ во Штип. Стефан Ефремов, Агни Авшар, Елена Наумовска, Дино Периќ, Дорис Ди и Катерина Јовановиќ се новите ѕвезди, кои ќе настапат вечер заедно со популарните имиња од македонската естрада.

– Вечерва ќе се почне со Стефан Ефремов, Агни Авшар, Елена Наумова, Дино Периќ и Дорис Ди, кои во првиот блок ќе ја отворат вечерта. Во вториот блок ќе настапат Катерина Јовановиќ, Марија Атанасова, Јанг Дади, Мартинијан Кириловски и Ана Петановска. Третиот блок се Јуле Николовска, Лара Иванова, Коки Јанков, Павле Камилоски и Димитар Андоновски, додека во четвртиот блок ќе настапат Зоран Ванев, Тамара Волчевска, Зоран Илиев, Дејан Тасев и Симона Поповска. Значи вечерашната вечер е составена од 20 изведувачи, рече кретивниот директор Јован Јованов.

Јованов откри дека годинава за најслушана песна меѓу двата фестивала е прогласена „Жена“, кој минатата година ја отпеја Антонија Гиговска.  На овој „Макфест“ ќе се случи еден куриозитет, а тоа е што има изведувачи и автори кои се под 20 години, но и над 80.

– Овој пат за 40 јубилеј ми е драго што се случува ова. Меѓу учесниците и авторите има над 50 разлика во години. Вчера настапија учесници под 20 години, а утре ќе настапи Мики Јовановски Џафер со над 70 години. Исто е и кај авторите. Имаме автори со 19 години, но имаме и автор, како што е Григор Копров со над 80 години. Еден куриозитет, кој ретко се случува. Има блгодарам на сите кои вчера настапија, влегоа одлични шест вокали за вечер и со останатите 14 мислам дека ќе имаме одлична вечер, рече уметничкиот директор Роберт Саздов.

Авторот Илија  Ќосевски, кој го води оркестарот,  на денешната прес конференција, рече дека по звршување на првата вечер фестивалот добил многу пофални коментари.

– Ги имаме најдобрите коментари за оркестарот и се надеваме дека денес и утре ќе се ужива во уште поубави песни и оркестрирани аранжмани. Се надевам дека со години ќе растеме и ќе достигнеме од камерен оркестар, да станеме оркестар. Сакам да се заблагодарам на семејството на Филип Стевановски за поддршката, бидејќи оркестарот е формиран од него. Неговото дело ќе го одржуваме во иднина и ќе го надградиме, како што имаше желба и тој. Моето прифаќање за водењето на оркестарот беше доста тешко. Со тоа што широката јавност го знаеја Филип како еден од поенергичните уметници, беше застапен на многу места. Оваа работа е доста тешка, но сите тимски со раководството и сите музичари, кои се нафатија да бидат дел од овој оркестр се заслужни. Да го славиме и да ја негуваме македонската музика. Сме размислувале и идеите се дадени оркестарот да го носи името „Филип Стевановски“, но за тоа треба да одлучи семејството. Се надеваме дека на следното издание оркестарот ќе биде под негово име, рече Илија Ќосевски.

Водители на фестивалот и вечерва се Маријана Станојковска и Димитар Атанасовски. МВТ на првата програма од 20 часот ќе врши директен пренос.

Извор: vecer.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Прв пат во Македонија изведена 3D витрео-ретинална хирургија и примена на интраоперативна ангиографија

Следно

АНАЛИЗА: Повеќе патници со јахтата на Заев ќе отпловат во заборав

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop