Поранешната сопруга на познатиот актер Кевин Костнер, манекенката Кристин Баумгартнер се омажи за нивниот некогашен пријател и сосед, Џош Конор, по нецели две години од разделбата со актерот.
Тие се венчаа на ранчот Санта Инез во Санта Барбара пред 100 најблиски пријатели и членови на семејствата.
Беше магично, навистина. Местото беше преубаво, но она што го направи посебно е интимноста. Ова не беше некоја голема свадба. Беше автентично, емотивно и сосема нивно. Сите имаа чувство дека присуствувале на нешто драгоцено – изјавил еден од гостите.
За време на давањето на заветите, Кристин носеше фустан од дизајнерката Мира Звилингер, а подоцна бел сатенски фустан на Лили Ход.
Веста за свршувачката на Кристин и Џош се појави во јануари, додека манекенката се раздели од актерот во мај 2023 г., по 19 години брак и три деца. Истата година, Баумгартнер започна врска со финансиерот, 49-годишниот Џош Конор.
Пријателите на парот не беа изненадени од запросувањето на Џош, кое се случи 11 месеци по непријателскиот развод на Кристин и Кевин Костнер, придружен со долги правни спорови околу старателството и алиментацијата.
Костнер и Баумгартнер бараа заедничко старателство над децата. Баумгартнер прима алиментација во износ од 63.209 долари месечно од поранешниот сопруг, што е значително помалку од бараните 165.000 дол. За време на рочиштето во август 2024 г. Кристина тврдеше дека нејзините деца се навикнати на луксузен живот, тврдејќи дека „богатиот животен стил им е во крвта“.
Баумгартнер сакаше порано да го поништи предбрачниот договор за да добие алиментација.
Извор: vecer.mk
