Рано утрово, македонската јавност ја расони и едро заголицка веста дека синот на Венко Филипче, претседател на СДСМ и најголем губитник на локалните избори, станал бизнисмен. На свои 18 години, се разбира. Во врхушката на СДСМ, поинаку и не бива. Примерот е кај неговиот ментор и вистински претседател на СДСМ, Заев кој во Кочани со другиот Венко завчера во визба договараше настап во втор круг. Поддршка, башка…
Имено, тинејџерот од пред точно еден месец е основач на „Демигод“, друштво за продажба на облека на мало, објави порталот Фактор.мк.
Продавницата на 18-годишниот Иво Филипче како што пишува порталот, според адресата, треба да се наоѓа на улица Њуделхиска во скопската населба „Млечен ресторан“, солидна и скапа скопска локација, одлична за добар старт на бизнисот на еден млад тинејџер бизнисмен и син на претседател на СДСМ, кој минатата година стана полнолетен, а оваа во јуни прослави матура.
Крушата под круша паѓа, вели народот. Чуму тогаш, Венко да не „падне“ под Заев. Примерот веќе го има. И синчето на Заев „стана“ бизнисмен на исти 18 години. Ок, пред 3,5 години, ама урнекот е поставен.
Во февруари, Душко Заев, синот на поранешниот премиер Зоран Заев, запливува во водите на бизнисот, откако како сопственик основаше претпријатие за производство на електрична енергија.
Синот на Заев е 18-годишен тинејџер, а компанијата која ќе ја раководи го носи името Тотал Енерџи со седиште во Струмица. Колку што е познато, фамилијата Заеви поседува бизниси во повеќе дејности, но ова е прв пат да бидат поврзани со производство на електрична енергија. Префиксот „Тотал“ го носат уште две компании во кои стонастотен сопственик е Вице Заев, братот на поранешниот премиер, а тоа се Тотал инженеринг и Тотал електрик. Најпозната компанија на Заеви е Тргопродукт и фирмата-ќерка Мамас. Семејството Заеви заедно со своите партнери главно делуваат во градежниот бизнис, но се занимаваат и со транспорт, малопродажба, трговија. Сега граделе во Дубаи.
Останува да се види дали Иво Филипче ќе го достигне почетниот успех во светот на бизнисот на синот на претходниот претседател на СДСМ, Зоран Заев.
Фирмата „Тотал енерџи“ за производство на електрична енергија на Душко Заев лани имала добивка од 58 милиони денари, или околу 954 илјади евра. Скоро милионче. Тоа се многу „евро за евро“ кај чичко Вице.
Младиот Заев фирмата ја отвори во 2022 година како 18-годишник. Во 2023 година, тој имал добивка од 39 милиони денари, односно 636 илјади евра. Дваесет и едногодишникот стана првиот од семејството Заеви кој почна бизнис со производство на електрична енергија, а по него тоа го сторија неговиот чичко, Вице и неговиот дедо, Панче Заев.
На ред е синот на Филипче. Македонската јавност со нетрпение го очекува извештајот во 2026-та за учинокот и профитот на Иво Филипче, воедно прашувајќи се, дали ПРОДАВНИЦИТЕ ЗА ОБЛЕКА се бизнис-отстапница за претседателот мега-губитник на изборите, кој сега ќе го облекува народот, откако 7 години го соблекуваше со Заев и екипата на Али?
Извор: kurir.mk
