Глумецот, инаку, само ден претходно објави дека мора да го откаже своето присуство на читањето во живо на пилот-епизодата – одржано во Њујорк во добротворни цели за заболените од рак. Причината беа „здружени два стомачни вируси“, како што рече тој.
– Со нетрпение ја очекував оваа ноќ со месеци и месеци откако мојот ангел Мишел Вилијамс рече дека го смислува. Не ми се верува дека не сум таму. Не можам да верувам дека нема да ги видам моите колеги од екипата, мојата прекрасна екипа лично… А, само сакам да застанам на таа сцена и да им се заблагодарам на сите во театарот што се тука вечерва. Од глумците од екипата, до сите што прават нешто за ова и се толку дарежливи, а особено на секого од вас – вие сте најдобрите обожаватели на светот, истакна Ван дер Бек.
Улогата на „Досон“ „ја одглуми“, т.е. ја прочита Лин-Мануел Миранда. На собирот се појавија другите ѕвезди на ТВ-серијата: Мишел Вилијамс, Кејти Холмс, Џошуа Џексон, Мери Бет Пејл, Џон Весли Шип, Мери-Маргарет Хјумс, Нина Репета, Кер Смит, Мередит Монро и Бази Филипс. А пак, Џејсон Мур, кој режираше три епизоди од тинејџерската ТВ-драма, е режисер и на овој добротворен повторен собир.
– Ви благодарам што дојдовте. Апсолутно е приземно колку многу направивте за оваа вечер и само сакам да ви се заблагодарам. Ви благодарам на сите овде! И, очигледно, на „Досонс крик“, немав замена, но ова е Бродвеј – и тоа ми требаше. Па затоа помисливме дека ќе се обидеме да најдеме некој што никогаш порано не бил помалку ученик во овој театар, додаде глумецот, преттавувајќи го Миранда – неговата замена.
Американскиот актер, инаку, лани објави дека боледува и ќе се лекува од рак на дебелото црево во трет стадиум. На претставата присуствуваше и сопругата, Кимберли ван дер Бек.
Извор: vecer.mk
