Враќањето во рутина не мора да биде стресно – потребни се само малку организација, малку дисциплина и вистинска доза забава. Телото брзо ќе ја заборави летната пауза, а ти ќе се чувствуваш посилно, полесно и подготвено за сите предизвици.
1. Малите промени прават голема разлика
Наместо веднаш да скокнеш во интензивни тренинзи, започни полека. Првиот ден додади едно овошје во исхраната, вториот ден испиј една чаша вода повеќе од обично. Ситници што не ги ни забележуваш, но прават огромна разлика.
2. Стрпливост – клуч до успех
Не го форсирај телото одеднаш. Јога, пилатес или само брзо одење – и половина час лесен тренинг враќа енергија и гради навика. Најважно е да влезеш во ритам, а интензитетот ќе дојде сам по себе.
3. Обиди нешто ново и забавно
Ако теретаната ти делува здодевно, пробај ролери, тенис или дури бокс. Нова активност = нова мотивација. Кога ќе пронајдеш вежба што те забавува, тренингот престанува да биде обврска.
4. Организирај се како вистинска дама со став
Ако не е запишано – не постои. Внеси го тренингот во календарот, закажи го како важна средба и не си го откажувај самата. Дополнителна мотивација? Тренинг партнер или личен тренер кој нема да ти дозволи да „збуниш“.
5. Истегнувањето е неопходност
Никогаш, ама баш никогаш не го прескокнувај истегнувањето. Тие 10–15 минути пред и по тренингот ги зачувуваат мускулите, штитат од повреди и прават да се чувствуваш како вистинска фит божица.
Извор: kurir.mk
