Животното е забележано синоќа и снимено од жителите.
Сведоци велат дека мечката шетала по улицата Стара Планина, а претходно била видена на градската обиколница, објавија бугарските медиуми.
Со помош на полицијата, мечката е изведена надвор од границите на градот.
На жителите на Ловеч им се препорачува да бидат исклучително внимателни и да не му се приближуваат на животното. Доколку забележат мечка, важно е веднаш да ја пријават на бројот за итни случаи 112.
Сите надлежни служби во Бугарија се информирани за присуството на мечката, и тие ќе се состанат денес за да разговараат колку е опасно присуството на мечката, каде се движи и да идентификуваат мерки за заштита на граѓаните.
Извор: vecer.mk
