По магичните вечери во Охрид, Делчево и Штип, каде што
илјадници гласови пееја како еден, музичкиот караван Македонијо, во срце те
носиме пристигнува во Струмица! Дружбата со струмичката публика е закажана
во среда (10 септември) со почеток во 20:00 часот.
Ова не е само концерт – ова е празник на македонската
душа, на љубовта кон татковината, на гордоста што сме дел од народ со вековна
историја и песна што живее во секој еден од нас – затоа да ја славиме нашата
култура, да ја покажеме емоцијата и заедно да ја пееме Македонија! Да запееме со
Наум Петрески, Зуица Лазова, Бојана Скендеровски, Ламбе Алабаковски, Спасен Силјаноски,
Андријана Јаневска, Сузана Спасовска, Александар Тарабунов, Огнен Здравковски,
Миле Кузмановски, Марија Спасовска и Мина Блажев затоа што песната не
знае за поделби, таа зближува, лекува и обединува.
-Во Охрид, Делчево и Штип пеевме со срце, сега е време
Струмица да одекне. Време е да запееме сите, гласно, гордо… Време е
Македонија да ја обоиме со најубавите звуци!, велат организаторите Скендеровски
продукција.
Извор: vecer.mk
