Познатиот музичар и еден од основачите на легендарната група „Седморицата млади“, Љубиша Љуба Милиќ, почина денес на 86-годишна возраст, соопшти неговото семејство.
Роден на 4 август 1939 година во Крагуевац, Милиќ го завршил средното образование таму, а во 1958 година се преселил во Белград. Таму ги започнал студиите по англиски јазик и книжевност на Филолошкиот факултет.
Уште како млад, започнал да го изучува тромбоново, а во Белград две години посетувал музичко училиште „Јосип Славенски“, каде што го усовршил свирењето на тромбон.
Во 1959 година станал еден од иницијаторите за формирање на оркестарот „Седморицата млади“, кој во наредните три децении настапувал без прекин и стекнал голема популарност на југословенската музичка и забавна сцена.
Групата првпат привлекла пошироко внимание на Првиот југословенски џез фестивал на Блед, по што нивната кариера нагло пораснала.
Тие имаат издадено бројни плочи и ТВ-емисии, а настапувале низ цела Европа, па дури и во Соединетите Американски Држави. Во поранешниот СССР настапувале толку често што нивниот вкупен престој изнесува три години. Претставувале и Југословенската радио-телевизија на престижниот ТВ-фестивал во Монтре.
Најголемиот дел од аранжманите за нивните најпознати композиции ги напишал токму Љуба Милиќ.
Оркестарот со текот на годините стекнал статус на истакнати уметници и освоил бројни награди, меѓу кои се Златниот беочуг на град Белград, Југословенска естрадна награда и Плакета на Белград по повод 40-годишнината од ослободувањето на градот. Освен тоа, добиле и многу признанија и благодарници за хуманитарната работа.
„Седморицата млади“ официјално ги завршија своите настапи и престанаа да постојат во 1991 година.
Извор: Danas.rs
Извор: vecer.mk
