„ЗНАЕШ КОЈ ТИ ПОМОГНА ДА ИЗБЕГАШ И КОЈ ЛОБИРАШЕ ДА ТЕ ВРАТАТ, ПОМОГНИ СЕГА“ Дали смс пораки со ваква содржина се испраќани од човек на ДУИ до унгарски мобилен телефон?

2

Во партијата ВЛЕН добиле потврда дека пред неколку недели имало панична комуникација на ДУИ со ВМРО-ДПМНЕ во врска со кандидатурата на Бујар Османи за градоначаник на скопската општина Чаир, брифираат партиски извори за Плусинфо.

Имено, првакот на ДУИ, Али Ахмети, пред неколку недели испратил емисари кај лидерот на ВМРО-ДПМНЕ, Христијан Мицковски, за да прашаат дали кандидатурата на Бујар Османи за Чаир – со висок ризик да изгуби и тоа да значи крај на политичка кариера на поранешниот министер за надворешни работи – може да се смета за јасен сигнал дека ДУИ е подготвен за внатрешни реформи после локалните избори.

Извори на Плусинфо тврдат дека од Бујар Османи бил криен негативниот одговор, вклучително и сите детали од аргументацијата. Во ДУИ стравувале дека Османи би можел да си ја навлече аурата на лузер или дури и да се пишмани пред рокот за поднесување на кандидатури утврден од ДИК.

На големо се шпекулура дека Османи во приватни кругови искрено споделил дека направил погрешна проценка за кандидат за Чаир, особено откако на терен станал свесен дека гласачите не му се наклонети нему и на ДУИ генерално, тврдат бриферите.

Во меѓувреме, во централата на ДУИ се преминало на планот Б. Наводно, некој од штабот на Бујар Османи на унгарски мобилен телефон испраќал смс-пораки со следната содржина: “Не заборавај кој те пренесе во Албанија, помогни му на Бујар, знаеш колку сакаше да те врати во Македонија кога беше министер за надворешни”!

Во очекување сме Османи и ДУИ да ги коментираат овие гласини, особено за линијата Мала Речица – Будимпешта.