Ние очекуваме голем одзив и масовност од страна на нашите сограѓани, затоа што сакаме проектите коишто ќе бидат вградени во следната изборна програма да произлегуваат токму од нив и од нивните потреби, порача од Штип, Весна Ушинова.
Сведоци сме на урбанистичко-инфраструктурна трансформација на нашиот град во последните четири години, затоа ние ќе се обидеме сите комунални, инфраструктурни, други проекти од областа на образованието, сите проекти коишто ги засегаат најголем дел од нашите сограѓани. Сите идеи ќе бидат разгледани од комисија од експерти пред да бидат преточени во вид на проекти во програмата, и ќе гледаме сите проекти коишто ќе засегаат најголем дел од потребите на нашите граѓани. Јас сум уверена дека овие четири години само беа почеток на раст на нашиот град, со оглед на тоа што нашиот буџет е поголем за следната година, така да ќе се обидеме и верувам силно дека општината ќе обезбеди доволно пари за проектите коишто ќе бидат во програмата за следната година. Впрочем, исто како и програмата од 2021 година, сите сме сведоци на проектите и програмата од 2021 година всушност скоро целосно 100 процентно е реализирана, истакна Ушинова
Извор: kurir.mk
