Европските дипломати наводно добиле инструкции од нивните американски колеги да бидат во состојба на готовност за евентуална трилатерална средба меѓу Доналд Трамп, Володимир Зеленски и Владимир Путин, што би можела да се одржи подоцна оваа недела, во зависност од исходот од денешните разговори, дознава „Скај њуз“.
Според договорот меѓу американските и европските сојузници, состанокот треба да се одржи на европско тло, освен ако не дојде до ненадејни промени во последен момент.
За време на видео повик на „коалицијата на добронамерните“ одржав минатиот викенд, италијанската премиерка Џорџија Мелони го предложи Рим како локација, додека претседателот на Франција, Емануел Макрон ја предложи Женева.
Како што е неофицијално објавено, украинскиот претседател Зеленски и американскиот Трамп го претпочитаат Рим, додека рускиот претседател Путин е наклонет кон Женева.
МНР на Италија и на Швајцарија изразија подготвеност за организирање на оваа средба.
Извор: tv21
