Во крвава напад кој се случил во Њујорк, 27-годишниот Шејн Девон Тамура од Невада убил четворица луѓе, а меѓу нив и полицаец кој работел како обезбедување, пред самиот да си го одземе животот.
Според њјујоршката полиција, Пукањето се случило во деловна зграда каде што се сместени седиштата на Националната лига за американски фудбал, Блекстон и други корпорации.
Џесика Тиш, Полициски Комесар
„Од снимките од безбедносните камери гледаме дека наѓачот влегува и веднаш свртува десно кон лобито каде што се наоѓаше полицискиот службеник и веднаш истрелува неколку истрели, по што се упатува кон останатите делови на зградата и пука на сите страни, мотивите засега не се познато, но ќе продолжиме со истрагата“ вели Тиш.
Според очевидци, се се случило за многу кратко време а напаѓачот избезумено по влегувањето во зградата почнал да пука повеќе истрели, а откако увидел дека нема да може да побегне од местото на злосторот се самоубил.
Преживеан очевидец
„Се слушаа истрели, еден по еден, луѓе почнаа избезумено да бегаат кон излезите, јас тргнав кон еден од излезите и видов голем број на полицајци кои тргнаа кон 33 кат каде се наоѓаше напаѓачот, а според тоа што го слушнав од луѓе околу мене тој се самоубил.“
Според последните информации од американските медиуми напаѓачот имал историја на психочки заболувања и од претходно бил познат на полицијата поради помали прекршоци.
Извор: 24vesti.mk
