СРПСКИОТ ФИЛМ „ОТЕЦОТ НАШ“ СО МАКЕДОНСКИОТ КОПРОДУЦЕНТ „ДРИМ ФЕКТОРИ“ ЌЕ ИМА СВЕТСКА ПРЕМИЕРА НА ФЕСТИВАЛОТ ВО ТОРОНТО

July 29, 2025
1 min read

Дебитантскиот игран филм „Отецот наш” на српскиот режисер и сценарист Горан Станковиќ, копродукција помеѓу Србија, Македонија, Италија, Хрватска, Црна Гора и БиХ, ќе има светска премиера на 50. Филмски фестивал во Торонто (ТИФФ), што ќе трае од 4 до 14 септември.

Како што соопштија македонските копродуценти Огнен Антов и Стојан Вујичиќ од „Дрим фектори“, филмот ќе ја има светската премиера во програмата Дискавери (Discovery,) на фестивалот од А-класа во Торонто.  Македонски актер во екипата е Тони Михајловски. Во програмата Дискавери се селектирани први или втори филмови на режисери.

„Отецот наш“ ја следи приказната за Дејан, зависник од дрога кој доаѓа во еден манастирски комплекс во оддалечен дел на Србија за да се лекува. Таму тој е подготвен да биде под будното око на отец Бранко, харизматичен и строг свештеник чии методи на „излекување“ стануваат сѐ поекстремни.

„Филмот ја истражува тенката линија помеѓу дисциплина и насилство, помеѓу духовно водство и авторитарна контрола. Она што започнува како систем за поддршка на крај ќе се претвори во затворен систем кој ја оправдува репресијата во името на промената“, вели Станковиќ.

Во филмот играат и Бранко Исаковиќ, Вучиќ Перовиќ, Јасна Жалица, Ненад Хераковиќ и други. Продуцент на филмот е Снежана ван Хаулинген, а продукциските куќи се „Дис енд дет“ (This and That Productions) од Србија),  „Најтсвим“ (Nightswim) од Италија,  „ПомПом“ од Хрватска, „КИНО“ од Црна Гора и „Нови филм“ од БиХ.

„Регионалната соработка е од клучно значење за нашите земји да можат да реализираат големи филмски проекти кои ќе бидат забележани и избрани на елитни фестивали како Торонто. Навистина голема привилегија е што нашиот филм ќе ја доживее својата светска премиера во програмата Дискавери на ТИФФ, платформа со светско реноме која ги открива и промовира најталентираните нови филмски автори. Успеавме да собереме голем број македонски креативци кои активно учествуваа во обликувањето на проектот, како Тони Михајловски, Игор Поповски, Дарко Бошковски, Александар Ристевски и други“, изјавија Антов и Вујичиќ.

Станковиќ претходно има работено како косценарист и режисер на ТВ сериите „Операција Сабја“ и „Утрото менува сè“.

Филмот „Отецот наш“ е поддржан од Филмскиот центар на Србија, Министерството за култура на  Србија, Агенцијата за филм на Македонија, Министерството за култура и туризам на Италија, Хрватскиот аудиовизуелен центар, Филмскиот центар на Црна Гора, Сараевскиот филмски фонд, Креативна Европа – МЕДИА програмата и RE-ACT фондот.

Фестивалот во Торонто е еден од најреномираните, а неговите добитници директно се квалификуваат за номинации за БАФТА и Оскар.

ИЗВОР: sdk.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Комисијата за избори и именувања ќе бара решение за избор на претседател на ДКСК поради најавеното распишување на изборите

Следно

Мицкоски: Реновирањето на студентските домови е значаен проект, студентите ќе имаат повеќе од добри услови

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop