ИСТАНБУЛ (АА) – Министерот за надворешни работи на Турција, Хакан Фидан, денес се сретна со министрите за надворешни работи на Босна и Херцеговина, Србија и Црна Гора, кои престојуваат во Истанбул во рамките на состанокот на министрите за надворешни работи на Балканската мировна платформа, известува Анадолу.
Во објавата на профилот на Министерството за надворешни работи на Турција на социјалната мрежа X се наведува дека министерот Фидан одржал одделни состаноци со министерот за надворешни работи на Босна и Херцеговина Елмедин Конаковиќ, министерот за надворешни работи на Србија, Марко Ѓуриќ и црногорскиот вицепремиер и министер за надворешни работи Ервин Ибрахимовиќ во Истанбул во рамките на состанокот на министрите за надворешни работи на Балканската мировна платформа.
Во Истанбул се одржува првиот состанок на Балканската мировна платформа, воспоставен под водство на Турција, со учество на неколку балкански земји.
Платформата има за цел да го зголеми дијалогот, меѓусебната доверба и соработката меѓу земјите од регионот и да развие трајни решенија за регионалните прашања.
Извор: Anadolu Agency (AA)
