Поранешниот фудбалер на Баерн Минхен, Рафиња од својот роден Бразил објави крај на кариерата која траеше повеќе од 20 години.
Последниот клуб за кој настапуваше триесетидеветгодишниот бек беше бразилска Коритиба.
Во Германија, Рафиња играше за Шалке од 2005 до 2010 година, пред да го ужива најуспешниот период од својата кариера со клубот од Минхен од 2011 до 2019 година. Со Баерн, освои, меѓу другото, седум шампионски титули, четири германски купови, Лигата на шампиони и Светското клупско првенство во 2013 година.
Рафиња особено му се заблагодари на Шалке „кој веруваше во момчето од Бразил“ и на Баерн „кој беше негов дом долги години и со кого освојуваше фудбалот“
Во својата кариера Рафиња освои вкупно 31 трофеи. Во објава на социјалните мрежи Рафиња рече дека неговите играчки денови се завршени и оти веројатно нема да продолжи да игра фудбал, но дека ќе „отвори ново поглавје надвор од теренот“.
„Со тешко срце го напуштам спортот во кој бев вклучен целиот мој живот. Сепак, сè што почнува мора да заврши. Не жалам за ништо. Постигнав сè што сакав во фудбалот. Беше прекрасно патување и не очекував да бидам во темнина таму каде што сум“, изјави Рафиња за бразилските медиуми. (МИА)
Извор: kurir.mk
