На граничниот премин Табановце, кон Србија, денеска стартува системот „One stop shop“ за заедничка контрола.
Од Владата напоменуваат дека со ова ќе се намали метежот на границата, кој во летниот период е оптоварен поради летните одмори и патувањата од нашиот северен сосед кон Грција.
Ваквиот систем веќе функционира со Косово, на граничните премини „Блаце“ и „Јажинце“.
На денешниот настан се очекува да се обратат министерите за внатрешни работи на Македонија и на Србија, Панче Тошковски, односно Ивица Дачиќ. Претходно двајцата министри ќе потпишат протоколи за соработка во граничниот сообраќај. Потпишувањето ќе се одржи во Регионалниот центар на граничната полиција кон Македонија – Прешево, соопшти Министерството за внатрешни работи на Србија.
ИЗВОР: ТВ 21
