Иако повеќе нема да бидат дел од новиот состав на законодавен дом, што треба да се конституира во септември, 82 пратеници, на кои им истекува мандатот, ќе продолжат да добиваат половина од месечната пратеничка плата.
Врз основа на важечкото законодавство што го регулира статусот на високите јавни службеници, тие, оваа привилегија, ќе ја користат три години.
– Оваа придобивка се базира на член 7 од Законот за дополнителни државни пензии, кој во делот за преодна исплата предвидува дека по напуштањето на функцијата, пратеникот добива две целосни месечни плати, а потоа 50% од бруто референтната плата, за сето време колку што ја извршувал функцијата, но не повеќе од три години, објави euronews.al.
Моментално, бруто месечната плата на пратеник е 310 илјади лека (3.163 евра) што значи дека секој од поранешните пратеници ќе има корист од 155 илјади лека месечно до 2028 година.
Според пресметките, 45 пратеници се од редовите на социјалистичката партија, 34 пратеници од опозицијата и тројца пратеници од Социјалдемократската партија.
– Овој финансиски третман се смета за поддршка за поранешните јавни службеници во периодот по напуштањето на функцијата, но сепак предизвика дебата во јавното мислење поради високите трошоци за државниот буџет, наведува телевизијата.
Албанскиот парламент брои 140 пратеници.
Извор: kurir.mk
