Селекторот на Бразил, Карло Анчелоти, изјави дека Нејмар е исклучително важен за неговиот тим и му порача добро да се подготви за Светското првенство во 2026 година.
Нејмар го мачат повреди во последните две години.
-Тој мора добро да се подготви и има доволно време за тоа, рече Анчелоти во интервју објавено од Јужноамериканската фудбалска конфедерација (КОНМЕБОЛ) на своите официјални профили на социјалните мрежи.
Нејмар (33) го продолжи договорот со Сантош до крајот на годината во вторникот, продолжувајќи го својот втор мандат во клубот каде што започна и во кој се врати на крајот на јануари.
-Тој е играч кој е исклучително важен за нас пред Светското првенство, додаде тренерот.
Нејмар одигра само 12 натпревари во последните пет месеци во сите натпреварувања, постигнувајќи три гола и обезбедувајќи три асистенции во државното првенство на Сао Паоло.
Тој се повлече во март поради нова повреда на бутот. Најдобриот стрелец на сите времиња во Бразил со 79 гола (два повеќе од Пеле) исто така отсуствуваше од првиот тим на Анчелоти на крајот на мај.
Сепак, дури и без Нејмар, „кариоките“ обезбедија место на Светското првенство со нерешен резултат во Еквадор (0-0) и победа над Парагвај (1-0). (МИА)
Извор: kurir.mk
