Македонската тенисерка Лина Ѓорческа успешно ги мина квалификациите на ИТФ турнирот од серијата 75 во Загреб што се игра за награден фонд од 60.000 долари.
Ѓорческа избори пласман на главниот турнир, откако денеска во завршното квалификациско коло ја совлада Бугарката Денислава Глушкова со 2-1 во сетови (5-7, 6-3, 6-2) во дуел што траеше три часа.
Противничка на стартот на Ѓорческа ќе биде Ралука Георгина Шербан од Кипар, рангирана на 243. место на ВТА листата.
Ова ќе биде петти меѓусебен дуел и можност Ѓорческа да ја забележи втората победа над кипарската тенисерка.
Извор: kurir.mk
