Актуелниот македонски ракометен првак Еурофарм Пелистер ги засили своите редови за следната сезона со египетскиот репрезентативец Ибрахим Калес Валид.
Дваесетишестгодишниот кружен напаѓач се наметна во дресот на репрезентацијата на Египет, а во Македонија доаѓа од редовите на првакот на Турција, Бешикташ.
Корпулентниот Калес Валид е висок 195 сантиметри и сезонава беше еден од најдобрите ракометари на турскиот тим во ЕХФ Европскиот Куп.
Официјалното претставување на Калес Валид се очекува на почетокот од подготовките за сезоната 2025/26 следниот месец во Битола, соопшти Еурофарм Пелистер.
Извор: kurir.mk
