Францускиот фудбалер Пол Погба, чија суспензија поради допинг неодамна истече, е блиску до потпишување договор со тимот на Монако, објави Би-Би-Си.
32-годишниот играч од средниот ред преговара за двегодишен договор со Монако, а потврдата се очекува во наредните денови.
Погба, поранешен играч на Јувентус, беше привремено суспендиран откако беше позитивен на допинг тест во септември 2023 година.
Поранешниот играч од средниот ред на Манчестер Јунајтед подоцна доби забрана за играње четири години, но таа казна подоцна беше намалена на 18 месеци.
Одлуката за намалување на казната ја донесе Арбитражниот суд за спорт (CAS), кој утврди дека Погба намерно не користел дехидроепиандростерон и дека забранетиот тестостерон ги подобрува само перформансите кај жените.
Погба се согласи на меѓусебен договор за раскинување на договорот со Јувентус во ноември минатата година и ги продолжи тренинзите од март.
Со француската репрезентација, Погба ја освои титулата на Светското првенство во Русија во 2018 година, додека две години претходно освои сребро на домашното Европско првенство.
Монако ја заврши сезоната на третото место во француското првенство, со што обезбеди пласман во Лигата на шампионите.
Извор: kurir.mk
