За десет години, бројот на ученици во Селце во Тетово е намален за повеќе од 200, додека во приградските училишта во Лавце и Вејце бројот е преполовен. Ова училиште е исто така изградено во 1954 година и не ги исполнува ниту основните услови.
-Болно е да се каже, но од 580 ученици што ги имавме од 2006-2014 година, бројот се намали на 367 ученици. Условите во ова училиште се ужасни, немаме ниту основни услови, училиштето е изградено во 1954 година со камења и тули, поправки од време на време, но толку долго може да трае една зграда, нејзиниот рок е истечен, изјави Мухамер Асани, директор на училиштето Рилиндја.
Изградбата на новата училишна зграда е започната од 2023 година, но сè уште не е завршена.
-Задоволни сме од фактот дека врз основа на разговорите што ги имавме и посетите на зградата, извршена е многу квалитетна работа и се зборува дека наскоро, но немаме конкретен рок, со нетрпение очекуваме да се преселиме во новата зграда и учениците да уживаат во инфраструктура што ќе ги исполнува сите стандарди, изјави Мухамер Асани, директор на училиштето Рилиндја.
Го прашавме градоначалникот на општина Тетово Биљал Касами Тој ја обвини ДУИ за незавршувањето на објектот.
-Сега, во тек се работи на нов објект во соработка со Министерството за образование, и интензивно работиме на тоа овој објект да биде завршен на време, и покрај некои административни проблеми за време на тендерот за снабдување, и верувам дека тие наскоро ќе бидат надминати, и дека училиштето ќе биде завршено, а тоа училиште ќе биде меѓу следните проекти што ќе ги промовираме, вели Биљал Касами, градоначалник на општина Тетово.
Кога ја прашавме министерката за образование за училиштето, за време на нејзината посета на Тетово, Весна Јаневска немаше поим за проблемот, но рече дека владата може да направи толку за една година.
И во 2000 година во Селце започна изградба на нов училиштен објект, но изградбата беше прекината поради лизгање на земјиштето.
ИЗВОР: ТВ 21
