СКОПЈЕ (АА) – Полна јагодеста месечина се издигна на хоризонтот над Менхетен и Емпаер стејт билдинг во Њујорк синоќа, создавајќи спектакуларен поглед над градот што никогаш не спие, јавува Анадолу.
Јагодеста месечина е шеста полна месечина во годината и позната е како најниска полна месечина во 2025 година, а наедно и една од најоддалечените од Сонцето.
Името потекнува од традициите на домородните народи на Северна Америка, особено од племето Алгонкин, кое оваа месечина ја поврзува со почетокот на сезоната на дивите јагоди во североисточниот дел на континентот.
Иако секогаш нема црвеникава боја, нејзината ниска положба на хоризонтот често ѝ дава топол сјај поради атмосферските услови. Ова небесно појавување често се поврзува и со почетокот на летото, што го прави уште пофасцинантно за набљудувачите низ светот.
Следната полна месечина, позната како еленска месечина, ќе се појави во јули.
Извор: Anadolu Agency (AA)
