Гувернерот на Народната банка, Трајко Славески, во емисијата Бизнис 21 на ТВ21 излезе со силна критика за начинот на кој бил планиран договорот со компанијата Бехтел и Енка. Според него, дел од парите од британскиот кредит ќе се насочат токму кон тој проект, а требало уште од старт да биде предвидено како ќе се обезбедат тие средства.
„Требаше Груби да ги испланира тие средства пред да потпишува“, изјави Славески, алудирајќи на екс потпретседателот на Владата Артан Груби, кој беше главен промотор на договорот со американско-турскиот конзорциум.
Славески откри и шокантна проценка за вистинската цена на проектот:
„1,3 милијарди евра е само номинална сума. Според моите проценки, таа ќе биде три пати повисока. Да, да, да… Тоа се над 5 милијарди евра. Верувајте ми, од она што е мое познавање за реализација на проекти, до крајната реализација цената ќе порасне два-три пати.“
ИЗВОР: ТВ 21
