МОСКВА (АА) – Третата рунда руско-американски консултации ќе се одржат во блиска иднина, објави денес рускиот заменик-министер за надворешни работи Сергеј Рјабков, јавува Анадолу.
Иако не е одреден конкретен датум, постојат силни индикации дека настанот ќе се случи „многу наскоро“, изјави Рјабков за новинарите во рускиот туристички град Сочи.
„Третата рунда билатерални консултации за иритирачки прашања е неизбежна. Иако е прерано да се прецизира датум, се надевам дека рундата ќе се одржи многу наскоро“, рече тој.
Според него, и покрај одреден напредок, широк спектар прашања остануваат на дневен ред, „со различна тежина, иако ниту едно од нив не е едноставно во однос на САД“.
Откако Доналд Трамп стана претседател на САД, Москва и Вашингтон одржаа два состанока во Истанбул – на 27 февруари и 10 април – за нормализирање на функционирањето на дипломатските мисии и подобрување на билатералните односи.
На последните консултации, страните се согласија да го поедностават режимот на движење за дипломатите и да го решат прашањето за конфискуваниот руски дипломатски имот во САД.
Извор: Anadolu Agency (AA)
