Кристијано Роналдо му даде поддршка на Ламин Јамал кој немаше најдобар натпревар против Португалија, па наиде и на критики од некои новинари иако има само 17 години.
Интересен беше дуелот меѓу Кристијано Роналдо кој има 40 години и Ламин Јамал кој има само 17. Едниот во заминување, другиот штотуку ја почнува кариерата.
Јамал во финалето не направи речиси ништо, за разлика од Роналдо кој даде гол и беше еден од најдобрите.
Новинарите се обидуваа да го искритикуваат Јамал, но Роналдо ги пресече, му даде поддршка на младиот играч.
„Ламине ќе освои многу колективни и индивидуални титули. Тој е феномен“, вели Роналдо.
„Ќе има долга кариера и ќе освои многу Лига на нации“.
„Тој има само 17 години, ве молам, оставете го на мира. Ве замолувам да го оставите. Треба да биде смирен“.
Извор: kurir.mk
