МЕМОРИЈАТА НА ПОСТЗЕМЈОТРЕСНО СКОПЈЕ Е ДЕЛ ОД ТЕСТАМЕНТОТ НА ЛУБАРДА И МСУ, РЕЧЕ КОСТАДИНОВСКА-СТОЈЧЕВСКА

March 2, 2023
1 min read

Изложбата на Петар Лубарда е тестамент во кој е втисната меморијата на постземјотресно Скопје и на Музејот на современата уметност (МСУ), како синоними на светската солидарност, рече министерката за култура Бисера Костадиновска-Стојчевска. Синоќа во полниот МСУ се отвори изложбата на Лубарда, најзначајниот уметник и еден од најистакнатите сликари на територијата на поранешна Југославија од втората половина на 20. век.

Изложбата се организира во годината кога се одбележуваат 60 години од скопскиот земјотрес и е заедничка соработка на министерствата за култура на Црна Гора и Македонија, амбасадата на Црна Гора и МСУ под покровителство на претседателот Стево Пендаровски. Во октомври 1963, Лубарда ги подарил сите 26 дела од неговата изложба во Ниш, подоцна изложени и во Скопје, со што тој станал, не само еден од првите, туку и меѓу најголемите дарители на МСУ – Скопје. Куратори на изложбата се Благоја Варошанец и Владимир Јанчевски. Соработници на проектот се конзерваторите Љупчо Иљовски и Јадранка Милчовска.

Министерот за локална самоуправа Ристо Пенов, министерката за култура Бисера Костадиновска-Стојчевска и црногорската министерка за култура Маша Влаовиќ. (Фото: Министерство за култура)

„Ова не е само обична изложба, било кажано во октомври 1963 година на отворањето на големата изложба – подарок на 26 слики од Петар Лубарда, во тогашниот Дом на синдикатите во Скопје. И еве, по 60 години, можеме да кажеме дека и ова не е само една обична изложба. Сега, по долго време, сме со сите 52 подарени дела од големиот југословенски и светски уметник, Лубарда“, рече министерката Костадиновска-Стојчевска, која ја отвори изложбата заедно со црногорската министерка за култура Маша Влаовиќ.

„Овој гест беше значаен и од аспект на формирањето на Музејот на современата уметност во Скопје, а може да се каже дека беше и иницијатива за создавање на оваа престижна институција, што особено нѐ радува. Врските меѓу нашите народи во поранешната држава беа силни и продуктивни, а сигурна сум дека тоа е случај и денес, за што сведочи и вечерашната изложба “, рече Влаовиќ.

Изложбата ќе биде отворена до 31 март.

Б. НЕСТОРОСКА

ИЗВОР: sdk.mk

MARKETING

MARKETING

Претходно

„МАМО ОДИ СПИЈ, ДОЦНА Е“: Последниот телефонски повик на исчезнатото 20-годишно момче во Лариса

Следно

Чавушоглу: „Мултилатерализмот е идеален одговор на променливиот глобален систем“

Latest from Blog

Пропалестински активисти протестираа пред Високиот суд во Лондон против забраната на групата „Палестинска акција“

СКОПЈЕ (АА) – Пропалестински активисти денес одржаа протест во знак на солидарност пред Кралскиот суд во Лондон, јавува Анадолу. Коосновачката на групата „Палестинска акција“, Худа Амори, започна правна постапка против британската Влада

Јаневска: Образованието и науката не смеат да бидат фактор за иселување на младите, туку сфери за личен развој и вработување

Во 7 изминати години имаме 17 илјади ученици и 7 илјади студенти помалку. Училниците и амфитеатрите се празнат. Ако тоа не се спречи, државата не може да гледа перспективна иднина. За овие

Скопје доби ново летно кино на покривот на Сити мол

Скопје Сити Мол во партнерство со Синеплекс го отворија првото летно кино под отворено небо на покривот од трговскиот центар. Скопје е побогато за уште едно градско летно доживување, каде свечено беше отворено првото „Rooftop Open Air

Прилепскиот основен суд под лупа на ревизија на финансиското работење во 2023 година

Прилепскиот основен суд во поголем дел не доби позитивно мислење во врска со финансиските извештаи за 2023, а со резерва е прифатена нивната усогласеност. Ова е констатирано по ревизијата на финансиските извештаи
Go toTop