АНКАРА (АА) – Претседателот на Турција, Реџеп Таип Ердоган, истакна дека сака лидерите на Русија и Украина да ги доведе во Турција, дури и Трамп да им се приклучи, и на тој начин Истанбул да го направат центар на мирот, известува Анадолу.
Претседателот на Турција Ердоган им се обрати на новинарите по состанокот на кабинетот што се одржа во претседателскиот комплекс.
Зборувајќи за мировниот процес за војната меѓу Русија и Украина, претседател Ердоган истакна:
„Мојата најголема желба е да ги доведам и Путин и Зеленски во Истанбул или Анкара. Дури и Трамп покрај нив“ и додаде дека посакува и тој да учествува на состанокот меѓу Русија и Украина и на тој начин Истанбул да го направат центар на мирот.
Осврнувајќи се на ситуацијата во Сирија, претседателот Ердоган рече: „Додека Сирија постигнува стабилност и мир, веруваме дека сите нејзини соседи и сите земји во регионот ќе имаат корист од тоа.“
Притоа турскиот претседател го истакна задоволството од одлуката на европските земји да ги укинат санкциите врз Сирија по значајните изјави на Трамп.
Во своето обраќање претседателот Ердоган истакна:
„Турција има моќ да ги реши сите свои проблеми, особено проблемот со тероризмот. Нашиот процес на Турција без терор ќе биде репер и заштитник на тоа.“
Извор: Anadolu Agency (AA)
