Ова е базиликата во селото Радолишта, Струга. Во 1955 година била во подобра состојба, но денес е на милост и немилост на времето, без институционална грижа и под единствена грижа на локалните жители. На 91-годишна возраст, професорот Каим Муртиши од ова село често го посетува местото. Тој вели дека локацијата е многу поголема отколку што денес изгледа по површина, но со текот на годините голем дел од неа бил покриен и заборавен.
„Имало голем простор тука и како што раскажуваат постарите, зборував за тоа и напишав нешто. Овие градби продолжија понатаму од тие куќи до, велат, каменот на плачот, во близина на селото Франгово, но тој беше покриен, а и овој е готов. Еве го тука во книгата, сега само ова е останато, бил до таму, малку по малку бил покриен и оштетен.“, вели Муртиши.
Според професорот Муртиши, базиликата е од римско време, на оваа локација според него имало град.
„Од римско време е. Ова било град, било градба и пишува дека е од времето на Римјаните. Радолишта е многу напатено село и село кое отсекогаш страдало од куршум и чума, и било запалено неколку пати“, изјави Муртиши.
Професорот Муртиши вели дека за базиликата никој не води грижа
„Никој дури и не дошол да праша за ова овде. Јас го ставив овде во оваа книга и ја напишав оваа книга во 1978 година, ја подготвив тогаш, имаше постари кои слушнале и го живееле ова време, муабети и усни преданија, генерација по генерација“, изјави Муртиши.
Дури и од снимките е забележливо дека ѕидовите на базиликата почнале да се уриваат. Недостатокот на чистење и информативни табли значи дека ова место не е добро познато, и покрај неговата историска вредност. Доколку беше правилно одржувано и промовирано, оваа локација би била попривлечна за посетителите, кои не недостасуваат во струшкиот и охридскиот регион.
ИЗВОР: ТВ 21
