Апелациониот комитет на Шпанската фудбалска федерација (РФЕФ) ја отфрли жалбата на Реал Мадрид против високата суспензија од шест натпревари што му беше изречена на Антонио Рудигер.
На крајот од финалето на Кралскиот Куп, кое го освои Барселона, централниот дефанзивец, додека стоеше на клупата, доби црвен картон откако фрли вреќа со мраз кон судијата. Одделно, тој реагираше агресивно на картонот што му беше прикажан.
На „Бернабеу“ се надеваа дека казната ќе биде намалена на четири натпревари, но тоа не се случи. Сето ова значи дека Рудигер ќе пропушти неколку натпревари од новата сезона.
Во претходно споменатото финале, тој се повреди и беше опериран, а ќе се опоравува барем до средината на јуни. (МИА)
Извор: kurir.mk
