Ова се нарекува политичка одговорност, вели грчкиот министер
По стравотната железничка несреќа во Грција во која загинаа најмалку 36 патници, грчкиот министер за транспорт и инфраструктура Константинос Караманлис денеска попладне поднесе оставка.
Поднесувањето оставка, вели тој, е најмал знак на почит кон жртвите.
„Кога ќе се случи нешто толку страшно, не може да продолжиме да се однесуваме како да не се случило ништо. Долги години не се занимавав со политика, но довербата на граѓаните во политичкиот систем ја сметам за суштински дел од нашата демократија. Ова се нарекува политичка одговорност“,
рече Караманлис изразувајќи сочувство до семејствата на жртвите.
Железничката несреќа се случи синоќа при судир на патнички и товарен воз. Покрај загинатите, десетици други патници се ранети. Грчите медиуми пишуваат дека се очекува бројот на жртви дополнително да се зголеми. Ова беше најсмртоносната железничка несреќа во Грција.
ПОВРЗАНИ ВЕСТИ:
Прогласена тридневна жалост во Грција по железничката несреќа
Мицотакис од Лариса: Можам да гарантирам само едно – ќе ја дознаеме причината за трагедијата
Прогласена тридневна жалост во Грција по железничката несреќа
Извор: 360stepeni.mk
