Минималните трошоци за живот на едно четиричлено семејство во мај достигнале 63.908 денари, што е за 1.217 денари повеќе од април, соопшти денеска Сојузот на синдикатите на Македонија (ССМ).
Ако семејството живее во изнајмен стан од 60 квадратни метри, синдикалната кошница скокнува на 79.283 денари. Најголемо зголемување е забележано кај трошоците за храна и пијалоци – 22.434 денари, што е речиси 1.000 денари повеќе од претходниот месец.
– Цените продолжуваат да растат без контрола, особено кај основните прехранбени производи, а платите не ги следат овие трендови. Секојдневно расте бројот на граѓани кои чувствуваат неправда и бараат повисоки плати, велат од ССМ.
Од таму предупредуваат дека по истекот на владините антикризни мерки, животот станува сè поскап, а потребата од усогласување на платите со реалните трошоци за живот станува итна.
ИЗВОР: racin.mk
