Таткото на загинатата Фросина Кулакова, Тодор Кулаков, по изрекувањето на пресудата од 12 години затвор за возачот Васил Јованов изјави дека оваа пресуда не е казна туку награда за ова најбрутално убиство во сообраќајот. Кулаков ги повика граѓаните на нови протести пред Кривичниот суд и Судскиот совет.
„Ова е држава во која дилери на дрога и немилосрдни убијци се прогласуваат за светци, за спортисти и посветени студенти според зборовите на одбраната. Пресудата е срамн аи тажна за целото општество“, рече Кулаков.
Тој рече дека никој во постапката не посветил внимание на, како што рече, мноштвото од сведоците кои биле прикриени, за уништување клучни докази како оној на совозачот Лорен кој додека се возеле снимал а потоа, според Кулаков, таа снимка ја избришал.
Тој која беше изречена пресудата револтирано ја напушти судницата нарекувајќи го судот мафија.
Извор: 24vesti.mk
