Екипата на KK Крива Паланка со мајсторка во финалето на најсилната македонска женска кошаркарска лига, оствари историски успех откако вечерва по вторпат го победи Бадел (80-55) и со 2-1 ја заврши полуфиналната серија.
Домаќинките ја оправдаа фаворитската улога и против Баскет Кам ќе се борат за шампионската титула, воедно и за првиот трофеј во историјата на клубот. Тоа е круна на одличната работа на најмладиот тренер на прв тим во македонската кошарка, 24-годишниот Виктор Петровски кој од неодамна е и асистент на селекторот на женската кошаркарска репрезентација на Македонија, Александар Ашаданов.
Најефикасна на денешниот натпревар беше Дијани Робинсон со 28 поени, а се истакна и Одри Мекелхејни со 19 поени и 20 скока.
Крива Паланка ќе се обиде да ја прекине доминацијата на Баскет Кам во македонското кошаркарско првенство. Се игра до три победи, а предноста на домашен терен ќе ја има тимот од Македонска Каменица.
Извор: kurir.mk
