Угостителските објекти во туристички Охрид безбедносно се подготвуваат за летната сезона. Зголемен е бројот на угостители кои периодов побарале обуки за ново вработените и сезонците за давање прва помош и за евакуација при пожар велат од Црвениот крст. Трагедијата во Кочани го вклучи алармот за беспрекорно функционирање на локалите особено во периоди на сезона кога опслужуваат голем број на гости.
Точков апелира и сите концесионери на плажите за летово да најмат спасители на вода оти низ годините само половина од нив се придржуваа до безбедносните протоколи, а бројот на интервенции од година во година е се поголем.
Апел се испраќа и до граѓаните претстојново лето да не посетуваат небезбедни капалишта или плажи каде не се испочитувани ни основните безбедносни протоколи.
Извор: 24vesti.mk
