Рина Ајдари од ДУИ во 24 анализа рече дека, не може да се дозволи премиерот Мицкоски да одредува кој со кого ќе коалицира или ќе се среќава. Според неа, таквите негови изјави се врз основа на неговата омраза и национализам.
Таа зборуваше и дека доколку се чепка законот за јазиците ќе бараат предвремени парламентарни избори.
„Во овие последни денови во континуитет имаме рекации и тоа што не загрижува е тоа што Мицкоски не покажува способност да води мултиетничка држава и сака да биде тутор на албанската политичка сцена и тоа е веќе црвена линија. Нема да дозволиме да се премине. Албанците сами ги избираат своите претставници и не може премиерот да одредува кој со кого сака да коалицира, да се состанува, да дебатира. Ова е неприфатливо. Разбриливо е бидејќи премиерот е политичар кој својата кариера ја изградил врз национализам и омраза и очекувани се вакви изјави од него“, рече Ајдари.
Таа објасни и дека доколку се чепка законот за јазиците ќе бараат предвремени парламентарни избори.
„И Ахмети беше јасен од формирањето на оваа влада до ден денес. Ние бевме јасни дека ако се чепка законот за јазиците тогаш ќе неме локига да се продолжи со оваа влада или да останеме дома и да не протестираме во одбрана на законот. Во континуитет сме биле јасни во ставовите, ако се сеќавате премиерот беше прв од собраниска говорница кој бараше предвремени парламентарни избори и сега ако го немаме механзиамот балансер и ако се чепка законот за јазиците ќе одиме на предвремени парламентарни избори, ќе ги употребиме сите демократски механизими“, додаде Ајдари.
Извор: 24vesti.mk
