Универзитетскиот професор Ванчо Узунов во Отворено рече дека, стратешкото партнерство на Македонија со САД е само за чалам.
Според него, единствен партнер на државата е Европската Унија. Тој зборуваше и за тоа дека царините кои ги воведе Трамп се застарен метод во економијата.
„Она што за нас САД го покажа со овој потег е дека убаво е да сме стратешки партнер но само за чалам. Единствен наш стратешки партнер е ЕУ а не САД. Тие 33% кои ги стави Трамп немаше да ги осетиме, но оние царини што ги воведе за ЕУ, ќе ги сетиме. На индиректен начин изгубивме. Ние имаме штета како да сме членка на ЕУ, дури и повеќе од членките на ЕУ кои немаат толкава трговија со ЕУ. ЕУ ќе морада најде некој мехнизам за ублажување на ова, ние бидјеќи не сме членка нема да може да го користиме. Ние треба да размислуваме да станеме членка на ЕУ и економски да се издигнеме на тој пазар“, рече Узунов.
Тој објасни и дека царините кои ги воведе Трамп се стар инструмент.
„И теоријата и праксата говорат дека слободна трговија е најдобра за сите трговии и Трамп воведе инструмент кој е стар, срдновековен, тоа е мостарина, не може така во светот особено не денес кога светот е испреплетен и голем дел од трговијата не ја допираат царините на Трамп. Ова ми изгледа на потег кој го ветил па мора да го исполни, сега мислам дека ќе мора да излезе од ова бидејќи нема ништо да постигне“, додаде Узунов.
Извор: 24vesti.mk
