60 илјади евра за храна за кучиња.Ова е набавка на битолското комунално претпријатие кое инаку е во долгови од 1 милион евра.Договорот, објавен на страницата за јавни набавки на Министерството за финанси, е склучен во септември 2024 и има важност од една година.
Со што ги храните кучињата, со аспарагус, манго или папаја па е толку висока сумата праша советникот Иван Чулакоски од иницијативата “Поинаку”.
Но, списокот на набавките не запрел кај кучињата, битолски Комуналец нарачал и принтер од над 4 илјади евра а 12илјади евра одат за репарирање на четка метларка.
Градоначлникот Тони Коњановски пак е на ставот дека со штедење нема развој,вели општината не е штедилница па да ги чува парите на банка и ги повика советниците ако имаат сознание за криминално работење на петпријаијата да ги пријават до истражните органи.
Според директорот на “Комуналец” Горан Степановски бројките се погрешни и манипулативни. Од сумата за кучињата досега биле потрошени само 100.000 денари.
Инаку „Комуналец“ е едно од петте битолски јавни претпријатија кои забележаа загуба во работењето од вкупно 2,4 милиони евра. Најголема загуба има „Водовод“ со над 987.000 евра на второ место е „Комуналец“ со 955.000 евра, трета е Нискоградба 340.000 евра, „Паркинзи“ 52.000 евра и на крај „Пазари“ со 45.000 евра.
Извор: 24vesti.mk
