Делегациите на САД и Русија пристигнаа во Истанбул на разговори со цел нормализирање на работата на нивните дипломатски претставништва. Новинарите снимија neколку возила кaко влегуваат во зградата на рускиот конзулат во центарот на Истанбул.
Според руското Министерство за надворешни работи, разговорите ќе ги водат новиот руски амбасадор во Вашингтон Александар Дарчиев и заменик-помошникот државен секретар Соната Култер. Примарната цел, според Русија и САД, е да се обнови функционирањето на нивните дипломатски претставништва. И американскиот Стејт департмент објави дека американските и руските делегации ќе се сретнат во Истанбул за да разговараат само за функционирањето на нивните дипломатски претставништва.
– Украина апсолутно не е на агендата. Овие разговори се фокусирани исклучиво на операциите на амбасадата. Нормализирањето на пошироките билатерални односи може да се случи, како што јасно кажавме, само штом ќе има мир меѓу Русија и Украина. – Тами Брус, портпаролката на американскиот Стејт департмент.
Во Украина пак Русија изврши напади со беспилотни летала врз украинскиот главен град Киев и Миколаев на југот на земјата. Украинскиот претседател, Володимир Зеленски, изјави дека Русија започнала нова пролетна офанзива, обидувајќи се да ја пробие украинската одбрана во регионите Харков и Суми.
По заробувањето на двајца кинези, украинскиот претседател Володимир Зеленски тврди дека 155 кинески државјани се борат на страната на Русија во војната против Украина. Украинските сили прикажаа и видео како нивните тенковите ги пробиваат руските одбранбени линии од таканаречени „змејски заби“ и навлегуваат во рускиот регион Белгород.
Извор: 24vesti.mk
