На еден ден се оствари сонот на 18-годишната Инзиле Четинташ, од Јенишехир, во турската област Мерсин, која има Даунов синдром, да стане полицаец, известува Анадолу.
Инзиле, ученичка во Училиштето за специјално образование „Хусеин Полат“, го сподели својот сон дека сака да биде полицаец со тимот на полицискиот Оддел за поддршка на заедницата, кој го посети училиштето.
Екипите прејдоа во акција врз основа на ова барање и ја изненадија Инзиле посетувајќи ја во нејзиниот дом во рамките на 180-годишнината на турската полиција и неделата на полицијата.
Полицијата потоа ја зела Инзиле Четинташ во службеното возило и ја однела во полициската станица „Шехит Рамазан Јилмаз“, каде што на девојчето со Даунов синдром ѝ подариле полициска униформа и капа.
Во просториите на полицијата, Инзиле преку радиостаница ја честиташе прославата на 180-годишнината на турската полиција и неделата на полицијата, а подоцна, заедно со полициските тимови направи обиколка на градот.
Мајката Семра Четинташ за новинарите изјави дека нејзината ќерка била пресреќна од изненадувањето што ѝ го направиле полициските екипи.
Заблагодарувајќи ѝ се на Полициската управа, г-ѓа Четинташ рече:
„Не очекувавме вакво нешто, тоа беше изненадување за нас. Многу сме среќни. Се гордееме со нашите полицајци. Господ да ги чува.“
Извор: Anadolu Agency (AA)
