Цивил ја објави публикацијата „Одбрана на демократијата и човековите права: Глобален патоказ против војната, национализмот и авторитаризмот“

Публикацијата на 200 страници содржи смели препораки за политики, анализи и повик за акција за демократска отпорност на глобално ниво.

Клучната публикација Одбрана на демократијата и човековите права – Извештај и препораки за политики сега е достапна онлајн. Овој извештај од 200 страници е еден од најважните резултати од Меѓународната конференција Одбрана на демократијата и човековите права во услови на војна, национализам и авторитаризам, одржана во Скопје на 11 и 12 декември 2024 година, и го отсликува повеќемесечниот ангажман на меѓународната иницијатива Одбрана на демократијата, формирана по конференцијата.

Публикацијата е достапна и онлајн и во печатена форма, и е структурирана во три дела:

Препораки за политики – Овој суштински дел од 60 страници е поделен во десет тематски области. Секоја тема вклучува: Контекст, Препораки за политики и Конкретни чекори, мерки и активности. Овие препораки се задолжително четиво за политички, општествени и академски лидери – како и за оние кои се стремат да придонесат кон промени во своите области.
Глобални гласови – Во ова поглавје се презентирани главните говори на истакнати учесници од цела Европа и САД. Нивните презентации и анализи беа од суштинско значење за формирање на рамката на препораките и за поттикнување на создавањето на меѓународната иницијатива Одбрана на демократијата.
Извештај за активностите – Детален преглед на агендата на конференцијата и поврзаните активности, вклучувајќи работилници, прес-конференција и средби за вмрежување. Овој дел вклучува и презентација на изложбата Одбрана на демократијата: 25 години ЦИВИЛ, како и линкови за понатамошно истражување и вклучување.

Публикацијата е достапна во формат едноставен за читање и преземање, објавена на повеќе платформи, меѓу кои Media Dialogue(Германија), Defending Democracy, CIVIL MEDIA, Civil.Todayи други. Сета содржина е достапна според лиценцата Creative Commons 4.0 International, што овозможува слободен пристап и споделување. Освен дигиталната верзија, достапен е и ограничен број печатени примероци.

Публикацијата ќе биде дистрибуирана до клучни институции, креатори на политики и одлуки, како и до партнери ширум светот, со цел да се информираат национални и глобални стратегии за јакнење на демократското управување и заштитата на човековите права во време на растечки авторитарни закани.

Проектот е поддржан од Владата на Северна Рајна-Вестфалија. Имплементирачки партнери и коосновачи на Иницијативата за одбрана на демократијата се: Youth4Media и Media Dialogue од Германија, ЦИВИЛ – Центар за слобода од Северна Македонија и New European People’s Forum од Брисел.

Иницијатива Одбрана на демократијата

Досега, публикацијата е достапна на следниве линкови: