Четири од повредените лица во трагичниот пожар во Кочани денеска се враќаат во Македонија, соопшти Министерството за здравство.
Двајца пациенти биле лекувани во Хрватска, еден во Шведска, а еден во Италија. Во странските здравствени установи сѐ уште се лекуваат повеќе од 60 повредени, додека двајца пациенти се во критична состојба. Во македонските болници моментално се хоспитализирани седум пациенти.
Министерството за здравство информираше дека во тек е категоризација на пациентите според нивните потреби за рехабилитација, за да им се обезбеди соодветен понатамошен третман.
„Во странски здравствени установи се лекуваат 64 пациенти. Во земјата се хоспитализирани седум пациенти – четворица на Клиниката за хирургија ‘Св. Наум Охридски’, еден на Клиниката за токсикологија и двајца во приватната болница ‘Систина’“, соопшти Министерството за здравство.
Четири лица кои биле на лекување во Бугарија ќе се вратат денес од болницата „Пирогов“, каде што се лекувале. Во болницата во Софија се наоѓаат четири пациенти во стабилна, но тешка состојба, кои се под постојан надзор на интензивна нега.
Трагичниот пожар во дискотеката „Пулс“ во Кочани избувна на 16 март, при што загинаа 61 лице, а околу 200 беа повредени.
ИЗВОР: racin.mk
