Семејствата на жртвите бараат што поскоро да се започне процес во кој ќе се утврдат причините и одговорните за пожарот во модуларната болница во Тетово, а не судот да се фокусира на обесштетувањето.
Ибин Емшиу, ги загуби својот таткото и брат во пожарот. Вели нивното спомнување во судница е непотребно и нехумано.
„Имав мои чувства и кога ги спомнаа татко ми и брат ми дека им дале парична помош, тоа јавно го објавив. Можеби можев да ескалирам во некоја реченица, но проблемот е што не им се заканував на луѓето таму. Ако судот ни дозволи, затоа што се бранат затоа што ни дале парична помош, на тој начин се бранат, јас ќе им дадам не 30 илјади евра, туку ќе им дадам 60 илјади евра“, вели Ибин Емшиу.
Емшиу вели дека не се задоволни бидејќи на рочиштето не се зборува за причините за пожарот туку за обсштетувањето.
„Не сме задоволни што во обвинителниот акт недостасуваат други лица и обвинителството не ги вклучи на списокот за изречена казна. Обвинителството денеска уште еднаш го докажува сопствениот срам бранејќи се на сред рочиште дека им пружиле парична помош на нашите семејства за болката од таа ноќ и со ова се бранат. Ова покажува што бараат овде, но тука не е проблемот, туку прашањето е да се зборува за прашањето за пожарот, за материјалите што се користеле“, вели Ибин Емшиу.
Инаку со пресудата на Основниот суд Тетово, донесена на 5 ти јуни минатата година, за пожарот во модуларната болница во кој починаа 14 лица, на обвинетите Бесими и Етеми им беше изречена условна казна од 18 месеци и парична казна на правното лице за кривичното дело „Тешки дела против општата сигурност“, затоа што не поставиле противпожарни апарати, додека докторот Вучевски беше ослободен од обвинение.
ИЗВОР: ТВ 21
