По повеќедецениски поделби во македонското пливање можеме со гордост да кажеме дека конечно имаме обединување во интерес на спортот.
На ова собрание на Националната пливачка федерација, двете поделени страни застанаа зад изборот на претседателот на федерацијата кој доби едногласна поддршка.
За нов претседател едногласно беше избран Сашо Лазаровски.
„Во декември минатата година, на иницијатива на министерот Борко Ристовски, организиравме заедничко првенство и се договоривме пролетва да одржиме вонредно собрание и да ги одделиме пливачката и ватерполо федерацијата. Сепак, во последен момент решивме да останеме заедно и со заложбата на министерот да ги одблокираме сметките и да почнеме нормално да функционираме.
Ги средуваме административните работи, ќе ги одблокираме сметките и ќе почнеме засилено со промени. Сакаме да дадеме акцент на Куманово, град кој веќе има затворен базен и мислам дека може да го развие и ватерполо спортот. Струга исто така е град во кој има можност да се развијат двата спорта. Пливачки клубови има и во Охрид, тие луѓе тренираат во Струга, но течат постапки да се забрза доградба на базенот во Охрид. Имаме ветувања дека до крајот на 2026 година Охрид ќе има и отворен и затворен базен. Во Скопје има пет регистрирани ватерполо клубови и така имаме четири центри кои имаат добар развој на двата спорта. Одлични се и Штип и Битола и очекуваме да се приклучат“, вели претседателот Сашо Лазаревски.
Извор: kurir.mk
