Тенисерките ги добија противниците во Били Џин Кинг Купот

Македонската женска тениска репрезентација ги дозна противниците за настапот во Втората Евро-африканска зона од Били Џин Кинг Купот (БЏК).

Нашата селекција се најде во групата Ц каде ќе ги одмери силите со Јужна Африка, Косово и Норвешка која е носител. Првиот ривал ни е Јужна Африка, а потоа врз основа на резултатите од првото коло ќе се одредат и двојките за следниот натпреварувачки ден.

Останатите групи ги сочинуваат Бугарија, Египет и Израел (А), односно во Б конкуренцијата се Естонија, Грузија, Босна и Херцеговина и Кипар кој е домаќин.