Лондонски Челси сериозно тргнува во битка за потписот на Рафаел Леао од Милан и веќе подготвила понуда во висина од 70 милиони евра!
„Сините“ од Лондон би сакале да го доведат Португалецот во своите редови, но тоа би зависело од евентуалниот пласман во Лигата на шампионите следната сезона.
Не е познато дали Милан ќе ја прифати оваа сума, се претпоставува дека ќе побара триесетина милиони повеќе, но ништо чудно двете страни да пронајдат заеднички јазик и овој трансфер да се реализира.
Леао веќе неколку сезони е убедливо најдобар играч на „росонерите“ и секогаш плени со неговиот талент, но понекогаш игра во променлива форма и можеби токму затоа Милан ќе се реши на продажба, без оглед што неговиот договор трае до 2028 година.
Португалецот пристигна во Милано пред скоро шест години и досега одигра 198 натпревари во Серија А, постигнувајќи 53 голови во елитниот италијански фудбал.
Извор: kurir.mk
