Претседателот на Собранието на Република Северна Македонија, Африм Гаши, попладнево оствари средба со Маркос Перестрело, претседател на Парламентарното собрание на НАТО, кој е во посета на Скопје пред утрешниот состанок на Постојаниот комитет на ПС на НАТО, кој годинава заседава во Собранието на РСМ.
Гаши, како што информираат од неговиот Кабинет, изразил задоволство што средбата се реализира токму на Денот на НАТО, односно кога се одбележува 76-годишнината на Алијансата. Тој посочи и дека Северна Македонија минатата недела одбележа мал јубилеј, односно пет години од полноправното членство во НАТО, што симболизира и петгодишна целосна посветеност на евроатлантските вредности и вложување во нашите воени капацитети.
На средбата, се вели во соопштението, Гаши и Перестрело размениле мислења и за значењето на парламентарната димензија на НАТО. Во тој контекст било посочено дека ПС на НАТО, исто така, одбележува јубилеј – 70 години постоење, што ќе биде соодветно одбележано на Самитот на Алијансата во Брисел, во јуни.
ИЗВОР: racin.mk
