Во Музеј на Град Скопје вечерва, со почеток бо 19.30 часот, ќе се отвори изложбата „Странски сликари во Македонија во периодот 1850-1950“.
Сликите се од приватната колекција на Влатко Милошевски. Ќе бидат изложени повеќе од 100 оригинални дела од педесетина странски сликари кои во посочениот период престојувале во Македонија и создале ликовни дела инспирирани од луѓето, настаните, градовите, архитектурата и природата.
„Во средина на 19-ти век се откриваат пирамидите во Египет, се откопуваат, се откопува Акрополис во Грција и на западот станува многу популарно мистичноста на ориентот. Тоа привлекло бројни авантуристи, патеписци, цртачи коишто поминувале низ Македонија и како резултат на нивните дела инспирирани од Македонија настанел слики, цртежи, илустрации кои денеска се извор на информации за револуционерното движење во Македонија, за грабањето на Мис Стон, за акциите на гемиџиите…, но и за пејсажите, градовите, на луѓе и на нивните обичаи од периодот на преминот од 19 во 20 век“, вели во интервју за Рацин.мк колекционерот Влаткио Милошевски кој повеќе од 20 години посветил на прибирање и регистрирање на делата што настанала во периодот од 1850 до 1950 година во Македонија.
ИЗВОР: racin.mk
