Бројот на жртви од силниот земјотрес што го погоди Мјанмар се приближува на 3 илјади. Над 4.500 лица се повредени, додека стотици се исчезнати. Ситуацијата е сложена поради тоа што земјата е погодена од конфликти и раселување.
Загрижени се и хуманитарните работници бидејќи болниците во погодените региони се преоптоварени, а комуникациските и транспортните патишта се отсечени. Се стравува дека бројот на загинати може да биде многу поголем.
„Мојот сопруг, синот, таткото се молат. Тие беа во џамијата за време на земјотресот. Беа многу исплашени“.
Во меѓувреме, организациите предупредуваат на хуманитарна катастрофа.
„Во најпогодените области, заедниците се борат да ги задоволат основните потреби, како што се пристапот до чиста вода и санитарни услови, додека спасувачките тимови работат неуморно за да најдат преживеани и да обезбедат итна помош.“ – ООН.
И пред земјотресот, речиси 20 милиони луѓе во Мјанмар беа зависни од хуманитарна помош. Обединетите нации и нивните хуманитарни партнери првично обезбедија 15 милиони американски долари за мерки за спасување животи и под тешки логистички услови, испратија помош, како и тимови за итна медицинска помош. Спасувачките операции во Мјанмар се отежнати поради граѓанската војна меѓу владејачката воена хунта и противничките милиции.
Извор: 24vesti.mk
